Son Xəbər: Prezident növbədənkənar seçkiləri anons etdi, Maliyyə Nazirliyi Rəqəmsal Maliyyə Mərkəzi ilə bağlı qərarı şərh edib, Litvanın müvəqqəti işlər vəkili Belarus XİN-ə çağırılıb, Ermənistanda KTMT-nin sabiq Baş katibi Xaçaturovun oğlu beynəlxalq axtarışa verilib, DTX tərəfindən saxlanılan Məmməd İbrahimli həbs olunub, Rusiyanın Dneprə raket zərbəsi nəticəsində ölənlərin sayı 4-ə, yaralananların sayı 22-yə çatıb - YENİLƏNİB, Gürcüstanın hakim partiyası BBC-ni məhkəməyə verir, Zərdabda yol təmirinə 2 milyon manat ayrılıb, DTX tərəfindən saxlanılan Məmməd İbrahimə ittiham irəli sürülüb, Hikmət Hacıyev: Rəsmi Bakı sanksiyalar məsələsində ayıq-sayıqdır,

Prezident növbədənkənar seçkiləri anons etdi

Tarix: Bugün, 09:44

Serbiya Prezidenti Aleksandr Vuçiç 2026-cı ilin sonunda ölkədə parlament və ehtimal ki, prezident seçkilərinin keçiriləcəyini açıqlayıb.

Vuçiç bazar ertəsi jurnalistlərə bildirib:

"Rəsmi olaraq seçki ilinə qədəm qoyduq; bir il ərzində seçkilərimiz olacaq. İndi qalan tək şey seçkilərə hazırlaşmaqdır. Kimin, neçə blokun, necə və hansı namizədlərin iştirak edəcəyini görəcəyik. Görəcəyik ki, yalnız parlament seçkiləri olacaq, yoxsa prezident seçkiləri də... Səlahiyyətli qurumlar (prezident və parlament sədri - red.) buna qərar verəcəklər".

Ölkədəki etirazlar fonunda Serbiya dövlət başçısı əvvəllər erkən parlament seçkilərinin 2026-cı ilin sonu və ya 2027-ci ilin əvvəlində keçiriləcəyini bildirmişdi. Ötən bazar günü Neqotin, Seçanj və Mionitsa bələdiyyələrində bələdiyyə seçkiləri keçirilib və ilkin məlumatlara görə, hakim Serbiya Tərəqqipərvər Partiyası (SPP) qalib gəlib.